حنان مطاوع عن غيابها عن السينما: غير مقصود إطلاقا وبختار من المعروض.. فيديو

أكدت النجمة حنان مطاوع أن غيابها عن السينما لم يكن مقصودا على الإطلاق، موضحة في تصريحاتها لتليفزيون اليوم السابع، أنها تختار دائما من وسط المعروض عليها.

وعن مدى تشابه وتناسب الأعمال المتواجدة في السوق حاليا معها من عدمه، قالت حنان لتليفزيون اليوم السابع: "فيه حاجات حلوة، وفيه حاجات شبهى بس هو إحنا يا عمرو دايما بنختار مما يعرض علينا، يعنى ممكن قوى اللى يتعرض عليا ما يبقاش مناسب بس مش كل اللى أنت بتشوفه على الشاشة اتعرض عليا".

وأضافت حنان في تصريحاتها لتليفزيون اليوم السابع قائلة: "أنا أتعرض عليا حاجات معينة فأنا بختار اللى يعجبنى اللى أحبه، اللى يناسبنى، اللي أحس إنه مختلف، فهى الحقيقة يعنى دايما اللي بيقعد يقول بيحسن الاختيار، بيحسن الاختيار لا هو فيها جزء كبير حظ ورزق، إحنا بنختار مما يعرض علينا فثق إنه اللى أنا بختاره هو من وجهه نظرى أفضل ما عرض عليا وقتها".

وعن أعمالها الجديدة في عالم الدراما التليفزيونية، قالت حنان: "الحمد لله يعنى الموسم اللى فات، كان موسم جميل الحمد لله، كان عندى شخصيتين زمزم وفريدة بمسلسلى"الكينج والمصيدة"، أنطحنا في الموسم ده، بس كان فيه تعويض ربنا كبير، وأنا يعنى بأمل فى حاجات أجمل وأحسن كمان إن شاء الله فى القادم".

وأضافت قائلة: "قاعدة أقرأ حاجات ولسه ما تعاقدتش على حاجة، ربنا يتممها على خير إن شاء الله بدعى إن ألاقى أعمال حلوة ومناسبة تعجب السادة المشاهدين".

إطلالة الفنانة حنان مطاوع فى حفل فرحة مصر

إطلالة الفنانة حنان مطاوع فى حفل فرحة مصر

إطلالة الفنانة حنان مطاوع فى حفل فرحة مصر

إطلالة الفنانة حنان مطاوع فى حفل فرحة مصر

إطلالة الفنانة حنان مطاوع فى حفل فرحة مصر