شاهد أول ظهور للشاب ضحية سرقة المحمول على تليفزيون اليوم السابع

أجري تليفريون اليوم السابع أول اتصال هاتفي مع محمد عبد الفتاح بطل واقعة سرقة التليفون بالأميرية في تغطية خاصة من إعداد إسلام شيبة وتقديم حسن مجدي، والذي قال" أنا خلصت شغلي وكنت في طريقي للبيت، وزوجتي كانت معايا علي التليفون وقت الحادثة، وفوجئت بشخص بيحاول يخطف الموبايل وأنا بتكلم، لكن أنا كنت ماسك الموبايل جامد عشان كدا معرفش يخطفه مني ويجري.

وأوضح بطل واقعة سرقة الموبايل، ضربت المتهم عدة مرات بالتليفون في وشه وعلي رأسه لحد ما موبايلي اتكسر من كتر الضرب، وفي نفس اللحظة كنت بصرخ بصوت عالي وبقول حرامي حرامي، لكن للأسف الناس ما اتحركتش وكانت واقفه بتتفرج عليا، ودا شيء خلاني مصدوم من اللي شوفته من الناس.

واستطرد قائلًا، المتهم وقف وهددني بالقتل وقالي أنا هاموتك، وبالفعل رفع سلاح أبيض عليا.

وأكد بطل واقعة السرقة، أن وزارة الداخلية بذلت جهدا كبيرا في الوصول للمتهم في ساعات قليلة جدا.